Avgerðin varð tikin á býráðsfundi hóskvøldið 5. november.

Nýggja skipanin skal fevna um dagstovnarnar Miðgarð, Sóljugarð og Smílikulluna umframt Skúlan á Giljanesi.

Endamálið er at geva øllum børnum í kommununi eitt javnbjóðis matartilboð, har dentur verður lagdur á heilsu, trivnað og góðan kost.

Talan verður í fyrsta umfari um eina royndarverkætlan í eitt ár.

Skipanin verður fíggjað við foreldragjaldi og av rakstrinum hjá Vága kommunu.

Foreldrini verða í næstum boðin til kunnandi fund um, hvussu skipanin verður sett í verk.