– Ríkisfelagsskapurin er í broyting. Og eg eri fegin um, at tað verður gjørt í tøttum samstarvi og við respekt fyri samleikanum hjá hvørjum parti sær, segði Mette Frederiksen, forsætisráðfrú, millum annað í setanarrøðu síni á Fólkatingi í dag.
Hon vísti á eitt felags ynski um at víðka møguleikarnar hjá Føroyum og Grønlandi at hava sína egnu uttanríkispolitisku rødd.
– Eitt aktuelt dømi er føroyska ynskið um sjálvstøðugan limaskap í heimhandilsfelagsskapinum WTO.
– Tað ynskið skilji eg væl, men tað eru løgfrøðisligar avbjóingar, sum vit mugu loysa.
– Løgmaður og eg eru samd um at leggja málið fyri serligu nevndina, sum eftir heimastýrislógini skal avgerða løgfrøðiligar ósemjur. Og tað er fyrstu ferð í 76 ára søguni hjá ríkisfelagsskapinum, at hendan nevndin verður brúkt, segði Mette Frederiksen, forsætisráðfrúa um Føroyar og ríkisfelagsskapin í setanarrøðu síni.