Í kvøld er ukrainski forsetin, Volodymyr Zelenskyj, komin til Týsklands á vitjan.

Her skal hann hava samrøður við týska kanslaran, Olaf Scholz, og Zelenskyj skal eisini luttaka á einari ráðstevnu.

- Scholz og eg fara at tosa um størri hjálp til ukrainsku loftverjuskipanina og felags vápnaframleiðslu.

Ukrainski forsetin sigur, at samrøðurnar við kanslaran verða fyri stóra friðartoppfundin, sum verður í Sveis um vikuskiftið.

Hetta skrivar Volodymyr Zelenskyj á X, fyrrverandi Twitter, í kvøld, og tað er norska kringvarpið - NRK - sum endurgevur.