Fyribils eru 34 næmingar og ein lærari deyð, eftir at takið á einum skúla í Peshawar í Pakistan small saman.
Hetta hendi klokkan 08.48 lokala tíð í morgun.
Sambært sjúkrahúsum, har tað deyðu og løstaðu eru komin, eru flestu av teimum deyðu børn, sum eru 13 ár og yngri.
Sagt verður, at bjargingarlið vóru skjót á staðið eftir vanlukkuna.
Eigarin av skúlabygninginum er handtikin, meðan løgreglan kannar umstøðurnar, tá takið í skúlabygninginum small saman.
BBC veit frá løgregluni á staðnum at siga, at takkonstruktiónin var vánalig, og at talan kann gerast um eitt mál um grovt ósketni.
