"Lívið í einum dropa – eygleiðingar av plantuæti á Landgrunninum í eina fjórðingsøld... "

- Hetta er heitið á framløgu hjá Elaine Runge, PhD-lesandi, sum verður í annaðkvøld - hóskvøldið hin 17. september klokkan19 - á Bókasavninum á Sandi.

Á Havstovuni siga tey, at framløgan hjá Elaine Runge er partur av Vísindavøku á ferð.

Vit kunnu leggja aftrat, at eygleiðingarnar av plantuæti eru sera áhugaverdar, tí gongdin við plantiæti vísir seg at hava stóran týdning fyri føðina hjá fiski.

Skráin á Bókasavninum á Sandi hóskvøldið er annars henda:

Sildafiskiskapur í 1950- og 1960-árunum: Frá vísindaligum kanningum til øktan fiskiskap og ovurfisking (Tráin Petursson Nónklett, Fróðskaparsetrið)

Lívið í einum dropa – eygleiðingar av plantuæti á Landgrunninum í eina fjórðingsøld, hildin á donskum. (Elaine Runge, Havstovan)

Ein lítil tráður úr Føroyum: Handrit á alnetinum (Heiðrún Hõdd Guðmundsdóttir, Landsbókasavnið)

- Framløgurnar eru umleið 20 minuttir hvør, og tiltakið er ókeypis, siga tey á Havstovuni, sum kunna um Vísindavøku á ferð.

Full skrá fyri Vísindavøku á ferð sæst eisini um heimasíðuna - www.hav.fo