Umleið 150.000 fólk í 20 týskum býum hava í dag verið úti í gøtunum og mótmælt týska høgraflokkinum, Alternative für Deutschland (AfD).

AfD fekk á landspartavalinum í Sachsen-Anhalt herfyri næstan 44 prosent av atkvøðunum.

Flokkurin roynir nú at skipa tí mest høgravendu landspartastjórnina í Týsklandi síðan seinna heimsbardaga.

Tað var politiska rørslan, Pruef, sum skipaði fyri mótmælisgongunum í dag, og Pruef arbeiðir fyri at banna flokkin, Alternative für Deutschland (AfD).

Í býum sum Berlin, Hamburg og München sóust mótmælisfólk, sum bóru plakatir við slagorðum sum "Bannið AfD nú" og "Demokratiið tørvar einki alternativ".

Stóra undirtøkan, sum AfDs hevur fingið, hevur skapt órógv millum mong, sum halda, at Týskland hevur eina serliga ábyrgd at gera upp við sína nasistisku fortíð.

Higartil hevur týski samveldiskanslarin, Friedrich Merz, ikki vilja banna ultra høgravenda flokkinum í Týsklandi.

AfD vantaði trý umboð fyri at fáa avgjørdan meiriluta í Sachsen-Anhalt, og flokkurin er nú í samráðingum um at skipa nýggja landspartastjórn.