Løgreglan boðar frá, at Eysturoyartunnilin er stongdur fyri ferðslu frá Hvítanesi, eftir at ein lastbilur er steðgaður upp millum Hvítanes og rundkoyringina.

Løgreglan upplýsir, at lastbilurin stendur beint áðrenn rundkoyringina og forðar ferðsluni úr Havn í at sleppa fram.

Hin ferðslan í tunlinum koyrir sum vanligt.

Boð eru send eftir hjálp at fáa lastbilin burtur. Stongt verður fyri ferðslu úr Havn, til bilurin er fluttur.