Tað lá væl fyri hjá føroyingaliðunum í næstbestu donsku hondbóltsdeildini hjá kvinnum ígjár.

Silja G. Eystberg, Vár og Lív Zachariasen og liðfelagarnir í Ajax vunnu í Sydbank Arena í Odense stórsigur 38-27 á DHG. Í steðginum var Ajax á odda heili 25-12.

Silja var við sjey málum toppskjútti hjá Ajax. Vár og Lív skutu tvey mál hvør.

Ajax er næstfremst í deildini við 12 stigum. Roskilde er fremst við 14 stigum.

Rannvá Olsen og liðfelagarnir í Ejstrup/Hærvejen vunnu fjórða dystin á rað.

Ígjár vann Ejstrup/Hærvejen á heimavøllin í Nr. Snede høllini 36-25 á Rødovre. Í steðginum var heimaliðið á odda 17-13. Rannvá skoraði tvey mál.

Ejstrup/Hærvejen er nummar sjey við átta stigum.