Aftaná fýra teir fyrstu dystirnar í Seriu B hava Andrias Edmundsson og liðfelagarnir í Hellas Verona fýra stig.
Fríggjakvøldið tapi Verona 1-3 fyri Benevento á útivølli.
Heimaliðið legði seg á odda í 17 minutti, men bert sjey minuttir seinni javnaði Amin Sarr fyri Verona.
Benevento megnaði tó at skjóta tvey mál í seinna hálvleiki, og harvið tryggja sær sigurin.
Hellas Verona er nummar 15 í deildini við teimum fýra stigunum. Tó eru bert tvey stig upp til Modena á áttanda plássinum.
Fremsta og næstfremsta liðið flyta upp í Seriu A, meðan liðini á endastøðunum millum nummar trý og átta skulu spæla um uppflyting.
Sunnudagin 20. september hevur Hellas Verona dyst á heimavølli móti Vicenza.
