Í dag visti ukrainski forsetin at siga, at landsins herur hevur framt fleiri loftálop á russisk mál seinasta samdøgrið.
- Álopini hava rakt tvey russisk oljuanlegg í býunum, Volgograd og Saratov. Hetta eru góð úrslit við okkara langtberandi álopum, sum hava til endamáls at gera Russland veikari í sínari krígsførslu.
Hetta skrivar ukrainski forsetin, Volodymyr Zelenskyj, á X, fyrrverandi Twitter, og hann leggur aftrat, at oljureinsiverkið í Saratov byrjaði at brenna.
Forsetin sigur, at onnur mál, sum Ukraina hevur lopið á seinasta samdøgrið, eru í lýðveldunum, Dagestan og Udmurtia.
- Vit hava eisini lopið á russisk mál í regiónunum, Tula, Nizjnij, Novgorod, Perm og Samara, leggur Volodymyr Zelenskyj aftrat.
