Um fimm tíðina seinnapartin í gjár misti ein bilførari tamarhaldið á bilinum á vegastrekkinum millum Sund og Sandvíkarhjalla.

Bilurin fór tvørtur um vegin og endaði í vegjaðaranum hinumegin við eitt hegn.

Ein persónur varð fluttur á Landssjúkrahúsið til kanningar. Sambært fyrstu upplýsingunum hjá løgregluni var tó helst eingin persónsskaði.

Ein annar bilførari fekk bót og klipp í koyrikortið fyri at koyra ov skjótt millum Fjarða.

Bilførarin varð máldur at koyra 110 kilometrar um tíman, upplýsti løgreglan á politifundinum í morgun.