Stjarnan, ið hevur Jóhannes Bjørgvin (myndin) og Tóka Fríðriksson á liðnum spældi í kvøld dyst í bestu íslendsku hondbóltsdeildini á útivølli á Akureyri móti Þór.
Í steðginum stóð væl til, tí tá var Stjarnan á odda 17-16. Í seinna hálvleiki haltaði tó hjá Stjörnuni, og endaði dysturin við 37-32 sigri til Þór.
Jóhannes skoraði mál trý, og Tóki skoraði eitt mál.
Stjarnan er nummar sjey í deildini við fimm stigum. Tað ræður um at vera millum átta tey fremstu liðini aftaná lokið grundspæl, so liðið fær møguleikan at kappast í endaspælinum.
Fríggjakvøldið klokkan 19.30 hava Allan Norðberg, Bjarni í Selvindi og liðfelagarnir í Vali dyst á heimavølli móti ÍBV. Sama kvøld klokkan 20.30 hava Trygvi Hávardsson og liðfelagarnir í HK dyst á heimavølli móti FH.
