FSF skrivar:
- Úrtøkan gjørdist tvey tap og ein sigur í UEFA menningarkappingini, sum seinastu dagarnar hevur verið á Malta. Mótstøðulondini vóru Malta, Kosovo og Estland
——————
– Hetta hevur verið ein góð og lærurík menningarkapping. Vit hava spælt tríggjar sera javnar dystir, har allir leikararnir fingu 100 minuttir ella meira í spælitíð.
– Høvuðsfokus í einari menningarkapping liggur longu í orðinum, nevniliga menning. Og tað halda vit eisini, at vit sóu í kappingini. Vit taptu tveir teir fyrstu dystirnar, men í øðrum dystinum vóru vit til dømis á odda 2-0, og hevði tað lagað seg øðrvísi, kundu vit staðið eftir við einum sigri. Tað eydnaðist so í síðsta dystinum eftir brotssparkskapping.
Soleiðis sigur Jákup Mortensen, venjari hjá U15-landsliðnum við gentum, tá hann stutt tekur samanum UEFA menningarkappingina, sum farnu dagarnar hevur verið á Malta. Mótstøðulondini vóru Malta, Kosovo og Estland.
Í fyrsta dystinum taptu okkara gentur 3-1 fyri Kosovo. Málið hjá Føroyum skoraði Amalia Høgnadóttir.Í øðrum dystinum var spælt ímóti Estlandi. Føroyar komu á odda 2-0, men tá avtornaði vann Estland 4-2. Føroysku málini skoraðu Amalia Høgnadóttir og Heiðrun Leo Vang.
Síðsti dysturin var móti vertstjóðini Malta. Eftir vanliga leiktíð stóð á jøvnum 2-2, og tí skuldi dysturin avgerast við brotssparkskapping. Har drógu Føroyar longra stráið og vunnu samanlagt 5-3.
Heiðrunn Leo Vang og Amalia Høgnadóttir skoraðu føroysku málini í vanligu leiktíðini, meðan Ida Müller, Jastrid Petursdóttir Simonsen og Ruth Jógvansdóttir Gardar skoraðu í brotssparkskappingini.
Føroyski málverjin Emma Feilberg bjargaði einum brotssparki, meðan tvey av skotunum hjá Malta fóru upp um málið.
– Millum dystirnar høvdu vit venjingar og fundir, har dentur bleiv lagdur á at fáa spælararnar at hugleiða um dystirnar og tosa um støður úr dystunum. Tað meta vit er gott fyri menningina hjá leikarunum, sigur Jákup Mortensen. Skrivar FSF.
