Í morgin, mikudagin hin 21. oktober klokkan 20 verður borgarafundur í Eydnuni á Oyrarbakka.

Sambært heimasíðuni hjá Sunda kommunu er hetta ein árligur borgarafundur fyri bygdirnar Oyri, Oyrarbakka og Norðskála.

- Endamálið við fundinum er, at borgarar fáa høvið at gera vart við viðurskiftir og ynskir, ið tey meta, at býráðið eigur at raðfesta.

Á fundinum kemur umboð frá ráðgevarafyritøkuni Spenn eisini at kunna um gongdina við Norðskálavegnum.

- Annars verður orðið frítt, og drekkamuður og ábit verður at fáa, siga tey í Sunda kommunu, har tey heita á fólk um at koma á borgarafundin.