Triðja árið á rað mæla havgranskarar til, at eingin lodnuveiða verður í Barentshavinum.
Norski Havgranskingarstovnurin sigur, at ársins mátingar vísa, at bert smáar nøgdir eru av lodnu í týdningarmestu gýtingarøkjunum í Barentshavinum.
- Stovnurin av búnum fiski er av tí minsta, sum er máldur, síðan skipaðu mátingarnar byrjaðu í 1972.
Víst verður á, at bara í 1987 var stovnurin minni, sigur havgranskarin, Georg Skaret, sum hevur ábyrgdina av stovnsmetingunum av lodnu.
- Samanlagt vísa eygleiðingarnar, at vit eru inni í einum nýggjum tíðarskeiði við "kollapsi" í lodnustovninum, og tað kann taka tíð, áðrenn stovnurin byggir seg uppaftur, sigur hann.
Soleiðis verður mælt til, at eingin lodna verður fiskað í Barentshavinum - triðja árið á rað.
