Tað er bókahandilin Rit&Rák sum skipar fyri.

Hvønn týdning kunnu bøkur hava fyri okkum gjøgnum lívið? Og hvat kunnu vit fáa burtur úr at lesa?

Eyðun Klakstein, landsliðsvenjari í fótbólti, fer at greiða frá sínum persónliga sambandið við bøkur og lesing. Hann fer at hugleiða um, hvussu bøkur kunnu víðka um sjónarringin, geva íblástur og hjálpa okkum at skilja bæði okkum sjálvi, onnur menniskju og heimin rundan um okkum - eisini í krevjandi løtum, tá ið nógv er uppá spæl.

Barnaútvarpsvertirnir Elin á Rógvi og Jonna Fritsdóttir Mortensen fara at greiða frá royndum, afturmeldingum, yndisbókum og um týdningin av at lurta og lesa saman við børnum.

Í dagsins samfelag er tað av alstórum týdningi, at børn og vaksin hava felags upplivingar. Við søgum og bókum sløkkja vit skíggjan og fara í annan heim, har vit læra onnur at kenna og samstundis kenna okkum aftur. Tá ið tú lurtar og lesur saman, gevur tú barninum umsorgan, fjølbroytt orðaval og hugnaligar løtur.