Flevoland er eitt av teimum kendastu dømunum í heiminum um, hvussu land er vunnið úr sjónum. Stór øki vórðu innigird við byrgingum og síðani pumpað turr, so tey kundu brúkast til landbúnað og búseting.

Á myndini síggjast grønir og brúnligir akrar í einum sera regluligum mynstri. Tað er eitt úrslit av, at økið er skipað og planlagt sum nýtt land frá grundini.

Suðurparturin av Flevoland varð enn dekkaður av vatni í 1964. Í 1970-unum varð økið turt, og jarðvegurin varð síðani gjørdur klárur til vinnuligan landbúnað. Í 1980-unum var økið longu vorðið eitt stórt landbúnaðarøki.

Flevoland er partur av størri hollendsku verkætlanini kring IJsselmeer. Í 1932 varð Zuiderzee, sum var ein vík úr Norðsjónum, stongd við eini stórari byrging. Síðani varð saltvatnið spakuliga skift út við feskvatn, og fleiri stór øki – sokallaðir poldarar – vórðu pumpað turr.

Á henda hátt hava niðurlendingar vunnið næstan 2.000 ferkilometrar av nýggjum landi, sum í dag verður brúkt til landbúnað, býir og annan búskaparligan aktivitet.

Copernicus-myndin er sostatt ikki bara ein mynd av akrum, men eisini ein mynd av einum av størstu verkfrøðiligu landskapsbroytingunum í Evropa.