Kvinnurnar hjá EB gjørdu sítt til at gera Heystfagnaðin enn betri við 23-19 sigri á Kyndli.

Mansliðið hjá EB megnaði ikki at gera kvinnunum kunstin eftir í Burn Mansdeildini.

Kyndil vann greitt 34-23 í høllini á Eiði. Í steðginum vóru kyndilsmenn á odda 16-9.

Eyðun Mørkøre var við fimm málum toppskjútti hjá EB. Við seks málum hvør vóru Gabriel Skeel Árnason og Teitur Bogason toppskjúttar hjá Kyndli.

H71 er fremst í deildini við 12 stigum. VÍF hevur 10 stig á øðrum plássinum, og Kyndil hevur átta stig. KÍF hevur seks stig og EB hevur fýra stig. Team Klaksvík hevur tvey stig, og StÍF er aftast við einum stigi.

Sunnudagin klokkan 16 verður leikt soleiðis: KÍF-StÍF og VÍF-Neistin. Í annaðkvøld klokkan 18 spælir H71 fyrra dystin í øðrum umfarinum í European Cup móti kroatiska liðnum, Trogir í Hoyvíkshøllini.

HER ber til frá HSF at síggja dómaraseðilin frá dystinum millum EB og Kyndil: