Houthi'arar, sum er hernaðarligur uppreistrarbólkur í Jemen, siga seg í nátt hava lopið á flogvøllin í høvuðstaðnum í Saudi Arabia, Riyad, og flogvøllurin kallast, King Khalid.
Í nátt ávaraðu houthi'arar starvsfólk á flogvøllinum, flogfeløg og onnur ímóti at brúka King Khalid-flogvøllin, tí uppreistrarbólkurin sá flogvøllin sum eitt hernaðarligt mál.
Á hinari síðuni sigur Saudi Arabia seg hava oyðilagt fimm goymslur við ballitiskum rakettum í økjum, sum houthi'arar í Jemen hava eftirlitið við.
Haraftrat sigur Saudi Arabia seg hava oyðilagt fýra útskljótingarrampur hjá uppreistrarbólkinum.
Saudi Arabia hevur higartil ikki váttað álopið á King Khalid-flogvøllin í nátt.
Fyrr í hesum mánaðinum hava houthi'arar framt álop á flogvøllin í Riyad, og her eru fleiri fólk deyð, og nøkur hundrað eru løstað í álopunum.
Hetta visti norska kringvarpið - NRK - at siga tíðliga í morgun.
