Men tað varð tónleikurin, sum frá barnaárunum hevði mest at siga fyri hann. Hann plagdi sum smádrongur at lurta eftir ommu síni, tá ið hon sæt við orglið og spældi úr Føroya Fólka Sangbók sunnudagar, og skjótt hevði hann hug at blanda seg upp í. Hann fór sjálvur at spæla, og so skjótt sum hann hevði fingið tamarhald á orglinum fór hann eisini at skriva sín egna tónleik. Fyrst vóru tað smærri stykki – næstan á tann klassiska bógvin – men seinni gjørdist tað veruligur popp- og rocktónleikur, sum allir føroyingar fóru at syngja við til.

Jørgin og vinmenninir høvdu fleiri kjallarabólkar, og útgerðin var ikki altíð tann mest framkomna – at byrja við gjarna blikktrummur, mjólkaspannir og ein einstakur kassagittar. Men tað var nóg gott til at taka 10 oyru fyri at loyva fólki inn til konsert. Seinni gjørdust ljóðførini elektrisk og útikonsertir í havanum hjá ommu hansara komu eisini á skránna.

##med4##
Sum 15-ára gamal spældi hann fyrstu ferð alment. Tað hendi i Atlantis Bio í Klaksvík. Hann spældi saman við millum annað gamla gekkavertinum Rudolfi Joensen í bólkinum Artic Fox. Umframt sangir hjá Deep Purple, Sweet og øðrum útlendskum bólkum, spældi Artic Fox eisini tónleik hjá tí blaðunga orgulspælaranum.

Fyrst í 70'unum kom Jørgin Dahl í samband við nakrar av tónleikarunum, sum komu at manna Straight Ahead – Archibald Black, Hera Ellingsgaard og Edvard Ziska. Teir spældu til dans í Klaksvík og aðrastaðni í landinum, og í 1974 kom fyrsta singleplátan hjá teimum út.

##med5##
Á plátuni vóru sangirnir Komið øll við og Upp á gólv. Seinni góvu teir eina singleplátu, eina EP-plátu og til seinast ein LP-plátu út. Stutt eftir at tann sonevnda Veðraplátan var komin út í 1978, og populariteturin hjá Straight Ahead var størri enn nakrantíð, valdi bólkurin at gevast at spæla.

Jørgen Dahl fór síðani at spæla við hinum stóra Klaksvíksbólkinum um tað mundið – Hjarnar. Og tey næstu árini vóru nøkur av teimum mest spennandi hjá tí seiglívaða rockbólkinum, sum framvegis er virkin. Teir góvu tónleik út, og í eini tónleikakapping í Radio Luxembourg var tað um reppið, at ein sangur hjá Jørgin Dahl tryggjaði teimum ein plátusáttmála. Sangurin Breaking My Heart gjørdist nummar 2 í stóru kappingini við nógvum hundrað sangum.

##med6##
Nakað eftir at Hjarnar hevði givið sína LP-plátu, We come for you, út, fór Jørgin Dahl úr bólkinum, og hann fór til Danmarkar at búgva. Har hevur hann búð síðstu 40 árini, og stutt frá tokstøðini á Eysturbrúgv býr hann saman við Gittu.

Í fjør komu út tveir nýggir sangir út hjá Jørgin Dahl í sambandi við, at Kringvarpið gjørdi ein sjónvarpsdokumentar um kenda klaksvíkbólkin Straight Ahead.

##med7##
Jørgin Dahl hevur skrivað løgini, Graham Stewart hevur skrivað orðini, og Óli Poulsen hevur staðið fyri innspælingunum av sangunum.

"Watch me I'm Free" er ein væl svingandi rocksangur, og "Song For Her" er ein vøkur ballada.

Kendi føroyski sjónvarpsframleiðarin Per Zachariassen hevur staðið fyri at gera video til sangin "Watch Me I'm Free", og hetta video kann síggjast niðanfyri.

##med2##

##med3##

Í fjør fekk Jørgin Dahl Listavirðisløn Nólsoyar Páls og 75.000 krónur.

##med8##
##med9##
##med10##
##med11##
##med12##
##med13##
##med14##