Í 14 dagar hevur Ann Dahl Hansen sitið í sjálvbodnum sóttarhaldi. Tað var dóttirin, sum gongur í 6. flokki, sum hevði verið í Danmark. Tá ið hon kom heimaftur, fór hon í sóttarhald, sum áheitanin frá myndugleikunum tilráddi. Mamman og systurin gjørdu tað sama, meðan maðurin flutti út í eina tíð.
– Vit hava tað gott, og eingin av okkum er sjúkur, sigur hon.
Alt fleiri vilja tosa við prest Tíðin undan páskum er ofta ein strævin tíð hjá prestum, har nógv er at gera bæði í sambandi við konfirmatión, føstugudstænastur, páskagudstænastur umframt vígslur og dópar. – Tað var sera nógv á skránni, og eg skuldi hava fleiri vígslur og dópar, men tað er alt útsett til seinni, sigur hon. Men prestur hevur tó ikki sitið heima og hildið frí. – Tað eru nógv fleiri fólk nú í mun til áður, ið hava vent sær til mín at fáa eitt prát. Tað er umvegis telefon ella netið. Eg havi havt rættiliga nógvar samrøður, og tað eru eisini fleiri, ið hava spurt, um eg kann biðja fyri teimum. Hetta fyllir sera nógv fyri tíðina, sigur Ann Dahl Hansen. Tað er ymiskt, ið samrøðurnar eru um, men prestur vísir á, at tað eru nógv, sum stúra, nú koronasmittan herjar. – Tað eru fleiri, sum eru stúrin og óttafull, og sum hava tørv á, at onkur leggur oyra til tað, sum bylgist í teirra hjarta. Støðan við korona ávirkar fólk sera nógv, sigur hon.
Fólk ynskja svar
Hon vísir á, at fólk seta spurningar, og tey vilja eisini hava svar. Til dømis, hví Gud loyvir hesum at henda. – Vit vilja ofta hava stýr á øllum og ynskja okkum svar. Men vit fáa ikki svar upp á alt, og Gud hevur ikki lovað okkum at sleppa undan tí ringa, sigur hon. Hon vísir á, at tað, sum kirkjan og prestarnir kunnu gera, er at leggja oyra til tað, sum fólk koma við. – Eg havi varhuga av, at fólk gerast meira eyðmjúk í hesum døgum, nú tey mugu viðganga, at tey kunnu ikki stýra øllum sjálvi. Men tá ið fólk eru trýst, er gott at vita, at vegurin uppeftir er opin, sigur hon. Møta fólki í gerandisdegnum Hon vísir á, at kirkjan er noydd at vera aðrastaðni, tá ið fólkið ikki kemur í kirkjuna. – Vit eiga at vera meira úti í samfelagnum, møta, stuðla og eggja fólki, har vit kunnu. Fara frá prædikustólunum og vera í gerandisdegnum hjá fólki. Vit kunnu millum annað lurta og biðja fyri fólki, sigur hon. Hon vísir á, at tað er bæði avbjóðandi og gevandi av vera prestur í hesum døgum. – Vit koma tætt upp á fólk, og eisini tey, ið eru í neyð. Tað er tørvur á, at onkur er í støðuni saman við teimum. Sjálvt um tað kann vera trupult, so eru tað eisini ríkar løtur, sigur prestur.
Prestar eru kreativir
Sjálv hevur hon skrivað ymisk lívgandi orð á sín facebookvanga, meðan aðrir prestar á annan hátt eru kreativir og taka tøknina í nýtslu. – Tað eru nakrir prestar, millum annað Ovi Brim, Bergur Debes Joensen og Derhard Jógvansson, ið gera stutt videobrot og leggja út á netið, har teir hava stuttar andaktir, upplívgandi orð, bøn ella annað, sum teir luta við sítt kirkjulið og Føroya fólk, sigur hon.
Um hon sjálv fer at gera okkurt kreativt í framtíðini, má tíðin vísa. – Tað er maðurin, ið er tann tekniski, og um eg skal gera okkurt video ella okkurt annað, so má eg fáa hjálp frá honum, sigur hon.
Kirkjan sjónligari á netinum
Nú fólk ikki kunnu savnast til gudstænastu, gleðist hon um, at gudstænastur verða sendar í Kringvarpinum sunnumorgnar, umframt at fleiri eisini stroyma gudstænastur á netinum. – Ein avtala er fingið í lag við Kringvarpið um at senda gudstænastur úr Dómkirkjuni komandi tíðina. Tað er gott, at fólk kortini sleppa til gudstænastu heima við hús, sigur hon. Ann Dahl Hansen skal sjálv prædika 2. páskadag. Hon gleðist eisini um, at Christianskirkjan leggur andaktir út, og at onnur stroyma gudstænastur og møti á netinum. Hóast Ann Dahl Hansen er sloppin úr sóttarhaldinum, so verður tað tó avmarkað, hvussu nógv hon verður at síggja úti á Havnargøtum í framtíðini. – Eg havi astma, og tí eri eg í einum vandabólki og má tí vera eyka varin, nú korona herjar. Men eg komi tó eftir øllum at døma at hava nokk at gera kortini, sigur hon.
Alt fleiri vilja tosa við prest Tíðin undan páskum er ofta ein strævin tíð hjá prestum, har nógv er at gera bæði í sambandi við konfirmatión, føstugudstænastur, páskagudstænastur umframt vígslur og dópar. – Tað var sera nógv á skránni, og eg skuldi hava fleiri vígslur og dópar, men tað er alt útsett til seinni, sigur hon. Men prestur hevur tó ikki sitið heima og hildið frí. – Tað eru nógv fleiri fólk nú í mun til áður, ið hava vent sær til mín at fáa eitt prát. Tað er umvegis telefon ella netið. Eg havi havt rættiliga nógvar samrøður, og tað eru eisini fleiri, ið hava spurt, um eg kann biðja fyri teimum. Hetta fyllir sera nógv fyri tíðina, sigur Ann Dahl Hansen. Tað er ymiskt, ið samrøðurnar eru um, men prestur vísir á, at tað eru nógv, sum stúra, nú koronasmittan herjar. – Tað eru fleiri, sum eru stúrin og óttafull, og sum hava tørv á, at onkur leggur oyra til tað, sum bylgist í teirra hjarta. Støðan við korona ávirkar fólk sera nógv, sigur hon.
Fólk ynskja svar
Hon vísir á, at fólk seta spurningar, og tey vilja eisini hava svar. Til dømis, hví Gud loyvir hesum at henda. – Vit vilja ofta hava stýr á øllum og ynskja okkum svar. Men vit fáa ikki svar upp á alt, og Gud hevur ikki lovað okkum at sleppa undan tí ringa, sigur hon. Hon vísir á, at tað, sum kirkjan og prestarnir kunnu gera, er at leggja oyra til tað, sum fólk koma við. – Eg havi varhuga av, at fólk gerast meira eyðmjúk í hesum døgum, nú tey mugu viðganga, at tey kunnu ikki stýra øllum sjálvi. Men tá ið fólk eru trýst, er gott at vita, at vegurin uppeftir er opin, sigur hon. Møta fólki í gerandisdegnum Hon vísir á, at kirkjan er noydd at vera aðrastaðni, tá ið fólkið ikki kemur í kirkjuna. – Vit eiga at vera meira úti í samfelagnum, møta, stuðla og eggja fólki, har vit kunnu. Fara frá prædikustólunum og vera í gerandisdegnum hjá fólki. Vit kunnu millum annað lurta og biðja fyri fólki, sigur hon. Hon vísir á, at tað er bæði avbjóðandi og gevandi av vera prestur í hesum døgum. – Vit koma tætt upp á fólk, og eisini tey, ið eru í neyð. Tað er tørvur á, at onkur er í støðuni saman við teimum. Sjálvt um tað kann vera trupult, so eru tað eisini ríkar løtur, sigur prestur.
Prestar eru kreativir
Sjálv hevur hon skrivað ymisk lívgandi orð á sín facebookvanga, meðan aðrir prestar á annan hátt eru kreativir og taka tøknina í nýtslu. – Tað eru nakrir prestar, millum annað Ovi Brim, Bergur Debes Joensen og Derhard Jógvansson, ið gera stutt videobrot og leggja út á netið, har teir hava stuttar andaktir, upplívgandi orð, bøn ella annað, sum teir luta við sítt kirkjulið og Føroya fólk, sigur hon.
Um hon sjálv fer at gera okkurt kreativt í framtíðini, má tíðin vísa. – Tað er maðurin, ið er tann tekniski, og um eg skal gera okkurt video ella okkurt annað, so má eg fáa hjálp frá honum, sigur hon.
Kirkjan sjónligari á netinum
Nú fólk ikki kunnu savnast til gudstænastu, gleðist hon um, at gudstænastur verða sendar í Kringvarpinum sunnumorgnar, umframt at fleiri eisini stroyma gudstænastur á netinum. – Ein avtala er fingið í lag við Kringvarpið um at senda gudstænastur úr Dómkirkjuni komandi tíðina. Tað er gott, at fólk kortini sleppa til gudstænastu heima við hús, sigur hon. Ann Dahl Hansen skal sjálv prædika 2. páskadag. Hon gleðist eisini um, at Christianskirkjan leggur andaktir út, og at onnur stroyma gudstænastur og møti á netinum. Hóast Ann Dahl Hansen er sloppin úr sóttarhaldinum, so verður tað tó avmarkað, hvussu nógv hon verður at síggja úti á Havnargøtum í framtíðini. – Eg havi astma, og tí eri eg í einum vandabólki og má tí vera eyka varin, nú korona herjar. Men eg komi tó eftir øllum at døma at hava nokk at gera kortini, sigur hon.
