Høvuðsbjargingarstøðini í Noregi visti seint í gjárkvøldið at siga, at leiting var sett í verk í økinum vestanfyri oynna, Grip.

Talan er um fýra útlendsk ferðafólk, sum fríggjamorgunin fóru út at fiska, men sum ikki vóru komin til lands aftur, tá kvøldið kom.

Høvuðsbjargingarstøðin visti seint í gjárkvøldið at siga, at tey høvdu einki hoyrt frá ferðafólkunum í bátinum.

Ein bjargingartyrla varð send út at leita í økinum, og seinni varð ein tyrla send út aftrat at luttaka í leitingini eftir ferðafólkunum.

Skip og bátar luttaka eisini í leitingini, vita fleiri norskir miðlar at siga í nátt.