Elias Ellefsen á Skipagøtu og liðfelagarnir í THW Kiel spældu í kvøld dyst á útivølli móti Eisenach í týsku Bundesliguni.
Kiel knógvaði ein tepran 28-27 sigur. Lukkutíð fyri Kiel brendi Felix Aellen hjá heimaliðnum ein málmøguleika, tá bert tvey sekund vóru eftir av dystinum. Í steðginum var støðan javnleikur 14-14.
Elias var sambært hagtølunum á vøllinum í 22 minuttir og 22 sekund, og hann brúkti tíðina væl. Elias skoraði trý mál upp á tríggjar málroyndir, og hann legði eisini upp til fýra mál.
Kiel hevur 10 stig fyri fimm dystir, og teir eru oddalið í deildini.
Í annaðkvøld klokkan 18 spæla Vilhelm Poulsen og liðfelagarnir í Hannover-Burgdorf dyst á útivølli móti Bietigheim-Metterzimmern.
