Aftaná eina tunga byrjan upp á kappingarárið hava Poul Kallsberg og liðfelagarnir í Hillerød fingið vind í seglið.
Poul var á vøllinum í 80 minuttir, tá Hillerød fjórða dystin á rað fekk úrtøku.
Í kvøld gjørdist talan um javnleik 1-1 móti Kolding á útivølli. Tobias Arndal legði Hillerød stutt undan steðginum við einum brotssparksmáli. Kolding javnaði stutt aftaná steðgin.
Hillerød er nummar sjey í deildini við níggju stigum. Hillerød hevur trý stig upp til AaB, ið er á sætta plássinum, ið gevur rættin at spæla í ovara endaspælinum aftaná lokið grundspæl.
Nú hevur fer Poul Kallsberg saman við landsliðsliðfeløgunum at hugsavna seg um komandi fýra dystirnar í Nations League. Fyrst fyri komandi leygardag er Kasakstan á Tórsvølli.
