Fridrikka Clementsen og liðfelagarnir í ÍBV fingu eina góða byrjan upp á ovara endaspælið í bestu íslendsku fótbóltsdeildini.

Á Hásteinsvøllinum í Heimey eydnaðist tað ÍBV í málríkum dysti at vinna 4-3 á Þrótti. Þróttur legði seg á odda í 19. minutti. Ágústa María Valtýsdóttir javnaði til 1-1 11 minuttir seinni. Fimm minuttir undan steðginum legði Fridrikka upp til Olgu Sevcova, ið legði ÍBV á odda 2-1, og beint undan steðginum økti Fridrikka til 3-1.

Fridrikka spældi 64 minuttir áðrenn hon var tikin av vøllinum.

ÍBV-Þróttur 4-3 (3-1)
0-1 Katherine Amanda Cousins ('19)
1-1 Ágústa María Valtýsdóttir ('30)
2-1 Olga Sevcova ('40)
3-1 Fridrikka Marie Clementsen ('45)
3-2 Bríet Fjóla Bjarnadóttir ('57)
4-2 Allison Grace Lowrey ('80)
4-3 Björgey Njála Andreudóttir ('91)

ÍBV er triðfremst við 30 stigum. 10 stig eru upp til Breiðablik og FH sum stríðast um meistaraheitið. Leygardagin 26. september hevur ÍBV dyst á heimavølli móti Breiðablik.