Almennu sáttmálarnir hjá Maskinmeistarafelagnum eru nú í so langt afturúrsigldir, at meistarar rýma.

Tað fekk Arnfinn Bech, formaður í Maskinmeistarafelagnum, væl og virðiliga at vita, tá hann vitjaði umborð á Smyrli at fáa eitt prát við manningina í maskinrúminum.

Teir báðir Magni G. Joensen og Poul Henning Poulsen, sum báðir sigla sum 2. meistari við skipinum, hava longu tikið avgerðina – um ikki okkurt, sum veruliga munar, hendir við løn og arbeiðsumstøðum, so eru teir farnir.