Frammanfyri 1.100 áskoðarum í BIO CIRC Arena í Viborg eydnaðist tað Janu Mittún og liðfeløgunum at vinna á Ikast í fjórðingsfinaluni í donsku steypakappingini. Harvið sleppur Viborg at kappast í FINAL FOUR í steypakappingini.

Dysturin í kvøld endaði við 31-27 sigri til Viborg, ið var á odda 14-13 í steðginum.

Jana skoraði tvey mál upp á fýra málroyndir, og hon legði upp til trý mál og vann liðnum eitt brotskast.

Hini trý liðini, ið hava vunnið seg til FINAL FOUR eru Esbjerg, Odense og Sønderjyske.

FINAL FOUR verður leikt í SJF Bank Arena í Odense, dagarnar 28. og 29. desember.