Amerikanska forsetafrúan, Melania Trump, fer at samla umboð fyri Russland og Ukraina í Hvítu Húsunum hin 5. november.

Tað verður upplýst úr Hvítu Húsunum í dag.

- Henda hending verður ein serllig løta í amerikanskari søgu, verður sagt í tíðindaskrivinum úr Hvítu Húsunum.

Í oktober var Melania Trump við til at fáa í lag eina avtalu um vápnahvíld í einum ukrainskum býi, Olesjky har suðuri í Ukraina, sum Russland hevur hertikið.

Avtalan skuldi tryggja neyðhjálp til íbúgvarnar og gera tað møguligt hjá sivilfólki at flyta úr krígsherjaða økinum.

Vápnahvíldin var galdandi frá 27. oktober og vardi í seks dagar fram til sunnudagin hin 1. november.

Sambært Melania Trump sluppu út við 800 sivilfólk úr krígsherjaða økinum í hesum tíðarskeiði.

Tv2.no skrivar, at ætlandi verður USA eisini við sum meklari í samráðingum millum Russland og Ukraina í Abu Dahbi í næstu viku.