Meðan eltólini í húsinum ella maskinurnar í fyritøkuni eru í gongd, kunnu sólpanelini á takinum veita ein part av streyminum. Streymurin kann eisini nýtast til at hita brúksvatn ella løða elbilin. Soleiðis kann takið fáa virði sum orkukelda í nógv ár.
Hjá HITI á Karlamagnusarbreyt í Hoyvík fáa kundar ráðgeving um, hvussu teir kunnu gagnnýta henda møguleikan. Við at kanna bygningin og streymnýtsluna ber til at meta um framleiðslu, kostnað og sparing. Tað gevur kundanum eitt ítøkiligt grundarlag at taka avgerð út frá.
HITI hevur longu gjørt nógv sólorkuanlegg, sum hava roynst sera væl í føroyskum viðurskiftum.
Sólorka riggar eisini í Føroyum
Sólpanel gagnnýta bæði beinleiðis sólarljós og dagsljósið, sum sleppur ígjøgnum skýggini. Tí kunnu tey eisini framleiða streym á skýggjaðum døgum. Tað er ein greiður fyrimunur í Føroyum, og teir longu, ljósu dagarnir um várið og summarið geva harumframt nógvar tímar at gagnnýta sólorkuna.
Sólorka verður longu gagnnýtt kring landið. Sambært SEV framleiddu sólorkuverk hjá privatum fyritøkum og húsarhaldum tilsamans slakar 388.000 kilowattímar í 2025. Sólorkan kann samstundis vera eitt gott ískoyti til føroysku elframleiðsluna í summarmánaðunum, tá ið ofta er minni til av vindi og regni.
Virði í bæði egnari nýtslu og yvirskoti
Tá ið streymurin frá panelunum verður brúktur í húsinum, minkar tørvurin á at keypa streym av netinum. Tað, sum húsarhaldið ella fyritøkan ikki brúkar av framleiðsluni í løtuni, verður selt inn á netið hjá SEV eftir galdandi treytum. Kundin fær sostatt eisini fíggjarligt gagn av yvirskotsstreyminum. Í februar í ár hækkaði avrokningarprísurin fyri sólorku, og tað hevur gjørt søluna av yvirskotsstreymi meira áhugaverda.
Fíggjarligi ágóðin veldst tí bæði um, hvussu nógv skipanin framleiðir, og hvussu streymurin verður nýttur og avroknaður. Fyri fyritøkur við stórari nýtslu um dagin kann ein fyrimunur vera, at sólpanelini framleiða, meðan arbeiðið er í gongd. Hjá húsarhaldum kann tað gera mun at flyta nakað av nýtsluni til ljósu tímarnar.
Fá meira burtur úr streyminum
HITI nýtir millum annað invertarar frá SMA, sum umseta streymin frá panelunum, so hann kann brúkast í bygninginum og latast inn á elnetið. Við yvirlitinum í SMA-skipanini ber til at fylgja framleiðslu og nýtslu og síggja, hvussu orkan verður gagnnýtt.
Við Sunny Home Manager 2.0 og hóskandi útgerð ber eisini til at laga partar av nýtsluni eftir sólorkuframleiðsluni. Skipanin kann taka hædd fyri nýtslumynstri og veðurforsøgn og til dømis hjálpa við at løða elbilin ella seta hitapumpuna í gongd, tá ið egin sólorka er tøk.
SMA-skipanin arbeiðir eisini sera væl saman við Vaillant-hitapumpunum, sum HITI veitir. Við røttu stýringini kann hitapumpan gagnnýta sólorkuna til upphiting og heitt vatn, tá ið panelini framleiða. Soleiðis verða sólpanel og hitapumpa partar av einari samlaðari orkuloysn, sum hjálpir kundanum at fáa meira burtur úr egnu framleiðsluni.
Takið og nýtslan avgera loysnina
Støddin á takinum, hvønn veg tað vendir, og um skuggi fellur á tað, hava týdning fyri framleiðsluna. Í føroyska veðurlagnum er eisini avgerandi, at festini og uppsetingin hóska til takslagið og vindálagið á staðnum. Ein haldgóð loysn krevur, at panel, festir og elútgerð verða vald og sett saman til júst hesi viðurskifti.
Tí byrjar arbeiðið hjá HITI við at finna røttu støddina á skipanini og gera eina meting av, hvat kundin kann vænta at fáa burtur úr íløguni. HITI samskipar loysnina frá ráðgeving og tilboði til uppseting og neyðuga samskiftið við elinnleggjara og SEV.
Hvat kann títt tak framleiða?
HITI bjóðar ókeypis og óbindandi ráðgeving til bæði húsarhald og vinnu. Við einari meting av takinum og streymnýtsluni ber til at fáa eitt ítøkiligt boð upp á, hvussu nógv sólpanel kunnu framleiða, hvat ein loysn kostar, og hvussu hon kann ávirka elrokningina.
Ring á 89 17 17, skriva til [email protected] ella kom inn á gólvið á Karlamagnusarbreyt 4 í Hoyvík og fá eitt prát um møguleikarnar á tínum taki.
