Koroneia-vatnið nærhendis Thessaloniki í Norðurgrikkalandi er minkað úr 42,8 ferkilometrum í 1984 niður í umleið 2,7 ferkilometrar í ár. Eftir er sostatt bara umleið seks prosent av vatnflatuni, sum var fyri 42 árum síðani.
Tað skrivar evropeiska Copernicus-skipanin við tølum frá tjóðarstjørnustøðini í Athen. Koroneia var einaferð fimtstørsta vatnið í Grikkalandi og er partur av einum friðaðum vátlendi.
Ein mynd, sum Sentinel-2 fylgisveinurin tók 19. oktober, vísir, at stórir partar av vatnbotninum eru komnir undan. Bert í landsynninginum er framvegis grønligt vatn at síggja.
Regnið í økinum, sum veitir vatn til Koroneia, hevur sambært grikska miðstøðini fyri lívlendi og vátlendi verið umleið 400 millimetrar um árið í minst fimm ár. Tað eru umleið 150 millimetrar minni enn miðaltalið í undanfarnu áratíggjunum.
Fylgisveinamyndirnar gera tað møguligt at fylgja við, hvussu vatnflatan broytist, og kunnu nýtast til at meta um turk og umsita vatntilfeingi.
