Í russiska verjumálaráðnum siga tey, at russiski herurin í nátt hevur framt eitt stórt álop á ukrainsku høvuðsstaðar-regiónina, Kyiv.

Tað veit Reuters at siga.

Sambært russiska verjumálaráðnum var álopið vent móti hernaðarligum vinnulívi, vápnagoymslum og dátumiðstøðum.

Í nátt hevði Ukraina ikki váttað tíðindini, men í morgun veit borgarstjórin í Kyiv, Vitalij Klitsjko, at siga, at ein 21 ára gomul kvinna hevur latið lív í loftálopum.

- Haraftrat hava trý fólk fingið løstir, skrivar borgarstjórin á Telegram.

Vitalij Klitsjko sigur, at ein heilsumiðstøð og ein vinnubygningur eru rakt, eins og undirgrundarstøðin í býnum hevur fingið skaðar.