Løgreglan steðgaði í nátt einum manni í býnum, sum hevði hassj og ketamin uppi á sær.

Talan var um knøpp 25 gramm av hassji og 3,77 gramm av ketamini. Harumframt hevði maðurin kontantar pengar, eina vekt og smáar posar við sær.

Maðurin varð skuldsettur á staðnum og tikin við á løgreglustøðina, meðan løgreglan rannsakaði heima hjá honum.

Har fann løgreglan eisini hassjmiks, sum er hassj blandað upp í tubbak.

Maðurin varð leyslatin aftur í morgun.