Elias Ellefsen á Skipagøtu eigur tað besta málið sum var skotið í fimta umfari í EHL European League.
Tað er tiltikna málið har Elias skorar til 29-26 til Sävehof í heimadystinum móti Aix, ið Sävehof vann 33-31 (18-14). Elias fintaði verjuna hjá Aix og setti bóltin hegnisliga via hárið hjá málverjanum og í netið, ið EHF hevur valt at vera tað besta málið.
Hetta er vorðið sum ár hjá Eliasi, svenskur meistari við Sävehof, hevur vunnið seg við føroyska U20-landsliðnum til EM-endaspælið komandi summar, var valdur til besta spælara í svensku liguni í oktober, og nú fær hann hendan flotta heiðurin frá EHF at hava skorað besta málið hetta umfarið í EHF European League.
