Tá 92 minuttir vóru leiktir av dystinum millum Strømmen og Sandnes ULF í næstbestu norsku fótbóltsdeildini gjørdist føroyski liðskiparin hjá Sandnes ULF, Gullbrandur í Horni Øregaard bjargingarmaðurin útiliðnum.
Eitt gott hornaspark kom inn í brotsteigin hjá Strømmen, og har tók Gullbrandur og saksasparkaði bóltin í netið, og so slapp Sandnes heimaftur við einum stigi.
Axel Kryger legði Sandnes á odda í 20. minutti, men innanfyri 13 minuttir legði heimaliðið seg á odda 2-1. Í yvirtíðini í fyrra hálvleiki javnaði Ole Sebastian Sundgot við einum brotssparki. Tá ein hálvur tími var eftir at leika legði heimaliðið seg á odda 3-2, og teir vóru leingi á sigurskós, men Gullbrandur vildi nakað annað.
Sandnes ULF er nummar 12 í deildini við 25 stigum.
Strømsgodset megnaði uttan Mattias H. Lamhauge á heimavølli at vinna 1-0 (0-0) á Åsane.
Strømsgodset er næstfremst í deildini við 51 stigum.
