Í kvøld fara Springs 2.0 at spæla til dans í Havnar Klubba.
Bólkurin Springs var ein sera virkin bólkur í áttatiárunum. Mest spældu teir til dans kring landið, men tó vóru teir onkutíð eisini við til konsertir og annað. Teir vóru t.d. fastir gestir á árligu ólavsøkukonsertini frá 1984 til 1990, tá bólkurin gavst.
Í 1989 gav Springs útgávu út, har serliga Lotið og Bøllefrø gjørdust kend løg.
At siga, at bólkurin ikki hevur spælt síðani 1990 er kanska ikki heilt rætt, tí fyri hálvum ári síðani, ella so, høvdu teir eina framførslu á Jugga í Vági. Men annars hava teir ikki spælt saman í 36 ár.
Teir hava tó hitst av og á síðstu tvey árini fyri at hugna sær saman, og fyri at spæla tónleik.
Tann einasti, ið hevur spælt regluliga øll árini er bassleikarin, Dagfinn.
Bólkurin eitur nú Springs 2.0, tí ikki allir limirnir eru við í manningini, tí tveir búgva í Danmark.
Manningin er í dag Ólavur Dam Jacobsen, trummur, Martin Tvede Zachariassen, guitar og sang, Dagfinn Olsen, bass og sang og Dávur Eyðunsson Sørensen, guitar.
Martin býr í Danmark, men er nógv í Føroyum í arbeiðsørindum. Dávur var ikki partur av føstu tónleikamanningini, men var øll árini kring bólkin. Í kvød eru teir, ið eru Danmark ikki við: Sonny Poulsen og Johan í Kollafirði. Fyrstu árini spældi Kári Joensen eisini í Springs og hann býr eisini í Danmark.
Á skránni í kvøld eru løg, ið bólkurin hevur givið út, løg sum vóru spæld til dans í áttatiárunum, men tó hevur Springs 2.0 eisini tikið nýggjari tilfar við í sangskránna.
