Ukrainski generalurin við hermótið í Bakhmut, Oleksandr Syrskyi, sigur í dag, at ukrainar nú eisini hava tikið bygdina, Klishchiivka.
Hetta skrivar Reuters, og hetta skrivar eisini ukrainska ávísin, Pravda.
Tíðindini eru tó ikki váttað av óheftum keldum, og sambært Reuters hava russar ikki gjørt viðmerkingar til tíðindini.
Tað var í januar í ár, at russar tóku bygdina, Klishchiivka, sum liggur nakað sunnanfyri býin, Bakhmut.
Sambært Reuters, váttar generalurin tíðindini á boðtænastuni, Telegram.
- Allir russar eru riknir úr bygdini, sum nú aftur er undir ukrainskum valdi, skrivar Oleksandr Syrskyi á Telegram í kvøld.
