Sangarinnan hevur í seinastuni verið aktuell við lagnum ”Unicorn”, sum hevur verið væl umtókt. Hetta var sanniliga prógva, nú Ester vann áhoyraravirðislønina.

–  Eg var nøgd og takksom fyri, at vera tilnevnd. Eg hugsaði, at tað var heilt fantastiskt. Tað var púra óvæntað, at eg so skuldi vinna segði Ester Skála, tá in.fo fekk orðið á hana

–  Tað kendist púra óveruligt, og eg eri ógvuliga takksom fyri heiðurin.

Heiðurin gevur Ester gott mót uppá at halda fram við tónleikinum.

– Hetta hevur víst at fólk vilja hoyra mín tónleik, og eg eri takksom fyri øll tey ið vístu mær álit, við at atkvøða fyri mær. Tað er ikki altið lætt at vita, hvat verður hildið um mín tónleik, men hetta gevur mær heilt víst dirvi til at halda fram við tónleikinum, segði Ester Skála

Áhoyraravirðislønin er einasta virðislønin á FMA, ið ikki verður latin av eini dómsnevnd. Áhoyrarir hava kunnað atkvøtt á Sona-appini.