info
Ongi úrslit

Vit vilja eiga tykkum menn so leingi sum til ber

Dagfinn Olsen
19. november 2026 kl. 20:10

Kanska hevur tú nú í november sæð onkran mann við yvirskeggi, sum ikki plagar at hava yvirskegg? Kanska hevur hann fingið sær yvirskegg, tí tað fær hann at síggja enn betur út. Ella kanska er tað, tí november er Movember – tá ið sjóneykan verður sett á heilsuna hjá monnum.

Yvirskeggið fær óivað onkran at smílast, men vónandi fær tað eisini onkran at steðga á og hugsa um heilsuna. Tí vit hava øll menn í lívi okkara, sum vit eru góð við. Pápa, maka, synir, brøður, starvsfelagar og vinmenn.

So tit, sum fáa tykkum movember-yvirskegg: takk fyri tykkara umsorgan og stuðul.

---

Endamálið við Movember er at seta sjóneykuna á heilsuna hjá monnum, millum annað krabbamein í prostata og steinunum. Tað er fyri at minna menn á at ansa eftir sær sjálvum, lurta eftir tí, sum kroppurin roynir at siga, fara til lækna, tá ið okkurt er áfatt, og tora at tosa um tað, sum tyngir.

Tað eru ávís tekin, sum menn eiga at geva sær far um. Sum kunnu vera tekin um krabbamein í prostata og steinunum. Tað kann til dømis vera, at tað er trupult at sleppa av við landið, at blóð er í landinum, at ein knútur er í steinunum, at teir hovna ella broyta skap, ella at sár á penis ikki lekjast.

Hetta er ikki altíð tað lættasta at práta um, men tøgnin loysir einki. Gev tær far um kroppin, lurta eftir honum og far til lækna, um tú merkir okkurt óvanligt og ófrættakent, sum ikki hvørvur aftur.

Her ber eisini til at lesa um sjey tekin, sum øll eiga at geva sær far um: Sjey tekin at geva sær far um. Hetta eru ikki altíð tekin um krabbamein, men tey eiga at verða tikin í álvara.

At fara til lækna er ikki ein veikleiki. Tað er umsorgan fyri tær sjálvum og okkum, sum eru góð við teg.

Tú ert eisini vælkomin at seta teg í samband við okkum í Krabbameinsfelagnum og frætta meira um, hvussu vit kunnu hjálpa. Vit hava eisini ein prostatabólk, har menn, sum hava ella hava havt prostatakrabba, kunnu hittast, deila royndir og stuðla hvør øðrum.

---

Kanska hava tit, menninir við movember-yvirskeggi, sjálvir verið sjúkir ella kenna onkran, sum hevur verið sjúk ella sjúkur. Kanska gera tit tað fyri at vísa onkrum, sum stendur tykkum nær, umsorgan og stuðul. Ella kanska varpa tit bara ljós á Movember.

Líka mikið hví, so er tað gott og hjartanemandi, tá ið menn standa saman og vísa umsorgan.

Minnist eisini til, at týdningarmesta umsorganin, tit kunnu vísa, er at ansa eftir tykkum sjálvum. Tí tit eru so óendaliga virðismiklir.

Og vit vilja eiga tykkum – so leingi sum til ber, skrivar Krabbameinsfelagið.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

Í gjár kl. 10:11

Eldur í á skipasmiðjuni á Skála

Í gjár kl. 18:14

Ókent ræðsluevni: Byrjaði at eta seg sjálvan

Í gjár kl. 14:27

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Fótbóltur

Hillerød fekk bank í Fredericia

8 minuttir síðan
Tíðindi

Áheitan á Løgmann

34 minuttir síðan
Tíðindi

IOC-limaskapur: Nú liggur bólturin hjá okkum

34 minuttir síðan
Hondbóltur

Champions League: GOG tapti fyri Magdeburg við minsta marginali

43 minuttir síðan
Lesarabrøv

Gevið okkum penganar aftur, heldur enn at brúka teir

45 minuttir síðan
Tíðindi

Elinborg tekur Í Ævir heilt aftur til upprunan

53 minuttir síðan
Tíðindi

Knapt 550 fleiri starvsfólk í oktober

1 tími síðan
Tíðindi

Russland fer neyvan at samráðast fyrr enn veturin er av

2 tímar síðan
Tíðindi

IOC letur ikki hurðina upp fyri ÍSF

2 tímar síðan
Tíðindi

Nógv spennandi á skránni í Tórsgøtu

3 tímar síðan
Tíðindi

Vestergaard vil kanna reglur um kappbjóðing við húsasølu

3 tímar síðan
Fótbóltur

Tað er møguleiki fyri stórum landsdysti langafríggjadag á Tórsvølli

3 tímar síðan