Gongur heldur frægari hjá teimum sum trola

Seks partrolarapør eru til fiskiskap í løtuni. Fiskiskapurin er misjavnur, men skipini gera onkur brúkilig hál av og á.

 

Partrolararnir koma inn at landa, sum næsta vika gongur. 

 

Ein djúpvatnstrolari fiskar svartkalva og kemur væntandi inn at landa síðst í næstu viku. Ein annar djúpvatnstrolari liggur við bryggju.

 

Á Fiskamarknaði Føroya vita tey í dag at siga, at tríggir av teimum smáu trolbátunum eru til fiskiskap. Teir fiska havtasku, tosk og hýsu.

 

- Vit vænta, at allir trolbátarnir koma inn at landa miðskeiðis ella síðst í vikuni sum kemur.

 

Tvey garnaskip fiska svartkalva og eitt fiskar havtasku.

 

- Øll skipini hava brúkiligan fiskiskap og koma væntandi inn at landa fyrst í næstu viku, verður lagt aftrat.