Tvey føroyingalið spældu í dag dystir í Champions League kappingini hjá kvinnum.

Í innleiðandi bólki B skoraði Marita Mortensen eitt mál, tá lið hennara, Nykøbing-Falster á heimavølli tapti 35-38 (15-19) fyri rumenska liðnum, Gloria Bistrita.

Nykøbing-Falster hevur trý stig fyri fimm dystir.

Í innleiðandi bólki A vann liðið hjá landsliðsliðskiparanum, Pernille Brandenburg, CSM Bukarest 34-31 (18-17) á danska stórliðnum, Team Esbjerg.

CSM Bukarest hevur seks stig fyri fimm dystir.

Í næstbestu donsku hondbóltsdeildini vann ein annar landsliðsleikari, Rannvá Olsen við liðfeløgum sínum í Ejstrup/Hærvejen á útivølli 32-26 (17-11) á Bjerringbro. Rannvá var noterað fyri eitt mál.

Talan er um annan sigurin á rað hjá Ejstrup/Hærvejen, ið hevur fýra stig fyri seks dystir.