Óhappið hendi beint fyri klokkan 20, tá ein bilur við viðfestisvogni sneiddi til vinstru inn á eitt parkeringsøki.
Ein mótkoyrandi bilførari sá ikki viðfestisvognin og rendi á hann.
Lesið eisini: Vembur og avroð slongd eftir Argjavegnum
Løgreglan kannar nú, hvussu ábyrgdin av óhappinum skal býtast. Í tí sambandi verður bæði hugt at bilføraranum, sum sneiddi tvørtur um mótkoyrandi vegbreytina, og bilføraranum, sum rendi á viðfestisvognin, sigur vaktleiðarin á politistøðini í Havn.
Løgreglan fekk í gjárkvøldið eisini fráboðan um ein, sum var stolin í Havn.
Talan var um ein vørubil, sum var tikin á parkeringsplássinum við Tórsbreyt í tíðarbilinum millum fríggjadagin umleið klokkan 15 til sunnukvøldið umleið klokkan 22.
Løgreglan fekk fráboðanina um stuldrin umleið klokkan 22 í gjárkvøldið og fór at leita eftir bilinum.
Bilurin varð eisini eftirlýstur á Facebook. Onkur sá bilin og boðaði løgregluni frá, og bilurin varð síðani funnin aftur í Hoyvík.
Sambært løgregluni er enn ógreitt, hvussu tann, ið tók bilin, fekk fatur á lyklinum.
