info
Ongi úrslit
© Savnsmynd: Nicolas Tucat/Ritzau Scanpix
Kaja Kallas, uttanríkisleiðari hjá ES, og Marta Kos, ES-kommisserur við ábyrgd av víðkan, vóna, at vápnahvíldin fyri orkuøkið fer at halda. Tær ivast tó í russiska viljanum at steðga bumbingunum.

Kallas fegnast um vápnahvíld men ivast í Russlandi

ES tekur væl ímóti fráboðanini um eina vápnahvíld fyri orkuálop millum Russland og Ukraina. Men Kaja Kallas, uttanríkisleiðari hjá ES, ivast í, um Russland fer at halda hana.

Eirikur Lindenskov
12. oktober 2026 kl. 08:05

Amerikanski forsetin, Donald Trump, boðaði í gjár frá, at Russland og Ukraina eru samd um eina vápnahvíld, sum skal galda beinanvegin og fevna um orkuøkið.

Hann greiddi tó ikki nærri frá, hvat avtalan ítøkiliga fevnir um.

– Tað er gott, at vápnahvíldin er komin í lag. So mugu vit síggja, um russar halda hana, sigur Kaja Kallas.

Hon hevði tó ynskt, at vápnahvíldin fevndi víðari.

– Eg hevði persónliga fegin sæð, at hetta ikki bara var ein vápnahvíld fyri orkuøkið, men at hon eisini fevndi um mannalív, sigur hon.

Fráboðanin kom óvart á Zelenskyj

Ukrainski forsetin, Volodymyr Zelenskyj, segði við miðilin Axios, at fráboðanin hjá Trump var nýggj fyri hann.

– Men um russar taka undir við einari vápnahvíld fyri orkuøkið, tekur Ukraina eisini undir við henni, segði hann.

Í gjárkvøldið skrivaði Zelenskyj tó á X, at Russland hevði lopið á orkuverk í Kharkiv-økinum, eftir at Trump hevði boðað frá vápnahvíldini.

Marta Kos, ES-kommisserur við ábyrgd av víðkan, sigur, at tað í løtuni er ógreitt, nær vápnahvíldin kemur í gildi. Hon vónar, at tað verður skjótt.

– Tað, sum fer fram í Ukraina, er ikki kríggj. Tað er yvirgangur móti ukrainska sivilfólkinum, sigur hon um framhaldandi russisku bumbingarnar.

Vil hava elverk við í avtaluna

Kaja Kallas metir, at vápnahvíldin kann vera eitt stig rætta vegin, um hon verður hildin.

Hon leggur dent á, at orkuveitingin hevur stóran týdning, nú ein kaldur vetur stendur fyri framman. Tí eigur avtalan eftir hennara tykki at fevna um aðrar partar av orkukervinum enn bara oljureinsiverk.

Tað kann eitt nú vera elverk, sum veita streym til ukrainsk húsarhald og fyritøkur.

Fráboðanin hjá Trump kom eftir, at hann fríggjadagin hevði lagt fram eina avtalu um russiskar dieselveitingar til USA.

Leygardagin funnust Trump og Zelenskyj hvassliga at hvørjum øðrum. Trump segði, at Zelenskyj hevði skúgvað boð hansara um ikki at leypa á russisk oljureinsiverk til viks. Sambært Trump kunnu álopini gera altjóða brennievnistrotið verri.

Zelenskyj kallaði diesel avtaluna við Russland eina veika avgerð. Trump segði síðani, at Ukraina hevur tørv á einum nýggjum forseta.

/Ritzau/

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Sosialurin hevur nú sítt egna »Tíðarrit«

15. november kl. 17:38

Fleiri tíðindi

Hondbóltur

Ajax misti oddasessin

23 minuttir síðan
Tíðindi

Fyribyrging ímóti skaða av eldi

43 minuttir síðan
Lesarabrøv

Lestrarstuðulin skal ikki gera arbeiði revsivert

1 tími síðan
Tíðindi

Zelenskyj royndi tað fyrst í filmi

2 tímar síðan
Nøvn

Sanna áttati í dag

2 tímar síðan
Lesarabrøv

Steffan Løkin: Viðmerking til innslag í Degi og Viku

2 tímar síðan
Tíðindi

COP31 endaði uttan semju um høvuðsmálini

3 tímar síðan
Tíðindi

Bilførari tikin fyri rús­drekka­koyr­ing í mið­bý­num

3 tímar síðan
Tíðindi

Lág sól blendaði bilførara

5 tímar síðan
Tíðindi

Finland útilokar ikki hernaðarligari last á russiskum skipi

5 tímar síðan
Tíðindi

Eldurin á Skála byrjaði í einum turkirúmi

5 tímar síðan
Tíðindi

Kavi á fjallarygginum millum Slovakia og Pólland

6 tímar síðan