Pauli Høj, Ovi Lützen og liðfelagarnir í Bergsøy spældu sunnudagin dyst á útivølli móti Bergen í norsku steypakappingini.

Talan var um fjórðingsfinalu, har vinnarin vann seg til FINAL FOUR.

Í steðginum var Bergsøy á odda 17-16, og leingi leikaði javnt á í seinna hálvleiki. Men tá endaspurturin skuldi setast inn var heimaliði omaná, og vann Bergen dystin 34-32.

So tað verður ikki á hesum sinni, at føroyingaliðið vinnur seg til FINAL FOUR í steypakappingini.

Pauli skoraði trý mál upp á fimm málroyndir og vann liðnum eitt brotskast.

Komandi sunnudag klokkan 15.30 hevur Bergsøy dyst á heimavølli í bestu norsku hondbóltsdeildini. Tá kemur Arendal á vitjan.