Tað vísa nýggjastu tølini frá veðurlagstænastuni hjá Copernicus, C3S.

Miðalhitin í Evropa var 16,26 stig í september. Tað er 1,54 stig oman fyri miðalhitan fyri september í tíðarskeiðinum 1991–2020.

Í Vesturevropa var september í ár á einum deildum fyrsta plássi sum heitasti septembermánaður, ið er skrásettur.

Størstu frávikini vóru í Suðurfraklandi, Portugal, Spania og pørtum av Italia. Har var hitin millum fýra og seks stig oman fyri miðal.

Eisini í pørtum av Norður- og Eysturevropa var lýggjari enn vanligt, men frávikini vóru minni enn í vestara og syðra partinum av Evropa.

Næstheitasti í heiminum

Á heimsstigi var september í ár næstheitasti septembermánaður, sum er skrásettur.

Sambært Copernicus var miðalhitin við jarðaryvirflatuna meira enn 1,5 stig oman fyri hitastigið undan ídnaðarkollveltingini.

Óvanliga høgi hitin í pørtum av Evropa helt sostatt fram í september eftir sera heitar mánaðir í juli og august.

Kelda: Copernicus / EU Space