Tvey føroyingalið í bestu norsku hondbóltsdeildini vóru í leiki í dag.
Helgi H. Hoydal, Bjarni í Selvindi, Tróndur Mikkelsen og liðfelagarnir í Kristiansand taptu á útivølli stórt 23-33 í grannauppgerðini móti Arendal. Í fyrra hálvleiki var Kristiansand væl við, og í steðginum var Arendal bert á odda 13-12. Í seinna hálvleiki var Arendal greitt omaná.
Helgi og Bjarni gjørdust saman við Oliver Hamann-Boerith toppskjúttar hjá Kristiansand. Teir skutu fimm mál hvør. Tróndur skoraði eitt mál, og legði upp til fimm mál. Bjarni legði eisini upp til trý mál, so føroyingarnir gjørdu sítt.
Kristiansand er næstaftast í deildini við sjey málum.
Komandi sunnudag hevur Kristiansand torføran heimadyst. Tá kemur greiða oddaliðið, Kolstad á vitjan.
Kjartan Johansen og liðfelagarnir í Bækkelaget taptu á heimavølli í Ekeberg-høllini 25-35 fyri Kolstad. Kolstad var á odda 19-9 í steðginum.
Kjartan legði upp til tvey mál í dag.
Bækkelaget er triðaftast í deildini við 11 stigum.
Komandi sunnudag spælir Bækkelaget dyst á útivølli móti Sandnes.
