Fleiri hundrað týskir diplomatar og embætisfólk mugu nú fara úr Russlandi, eftir at russiska stjórnin hava sett mark fyri, hvussu nógv diplomatisk starvsfólk Týskland kann hava í landinum.

Tað skrivar Süddeutsche Zeitung í dag.

Týskland má minka munandi um talið á starvsfólkum á sendistovum og ymiskum mentanar- og útbúgvingarstovnum í Russlandi – eitt nú Goethe Instituttinum, har umleið 200 týskarar starvast.

– Markið, sum Russland hevur sett, hevur við sær munandi skerjingar í týskum virksemi í Russlandi, sigur týska uttanríkisráðið sambært Süddeutsche Zeitung. Ráðið kallar russisku avgerðina óskiljandi og órímiliga.

Orsøkin til avgerðina hjá Russlandi skal vera, at Týskland hevur útvíst fleiri russiskar diplomatar. Longu á vári í fjør vóru umleið 40 russiskir diplomatar útvístir úr Týsklandi, tí teir vóru mettir at vera trygdarvandi.