Í vikuni hava starvsfólk í barnagarðinum, foreldraumboð og bygdarráðslimir verið til framløgu um ætlanir at byggja ein nýggjan barnagarð á Sandi.

Á Sandi er barnagarðurin á Teigunum, sum er bygdur uppí eini eldri sethús, men í Sands kommunu ætla tey nú at seta skjøtul á ein nýggjan barnagarð.

Tá kallað varð til kunnandi fund á kommunuskrivstovuni, har greitt varð frá teimum ætlanum, sum Sands kommuna hevur, høvdu fólk eisini høvi at seta spurningar.

Fyrr í summar skrivaði Sands kommuna undir sáttmála við J&K Petersen um at gera eina nýggja útstykking Uppi á Ryggi á Sandi. Nýggja útstykkingin liggur skamt norðan fyri verandi útstykking á Vatnsryggi. 

33 grundstykki skulu gerast byggibúgvin í nýggju útstykkingini, og sum framhald av hesi útstykking hevur kommunan eisini gjørt avtalu um keyp av grundstykki til nýggjan barnagarð.