Til ein valfund í Butler, Pennsylvania varð eftir øllum at døma skotið eftir fyrrverandi amerikanska forsetanum, Donald Trump.
Trump – ið bert hevði talað til fjøldina í heilt fáar minuttir, tá ið fleiri brestir, ið ljóðaðu sum skot hoyrdust – sá út til at bløða úr oyranum.
Trygdarfólk vóru skjót á staðnum og fingu fyrrverandi forsetan av pallinum og førdu hann burtur í einum bili.
Tað er framvegis óvist, um talan var um eina roynd eftir lívinum á Trump. Sambært trygdartænastuni Secret Service er forsetin tryggur og sambært talsfólkum hevur Trump tað "gott", men verður í løtuni kannaður.
Dagført 00:41 – Sambært AP vátta myndugleikarnir í Butler, at gerningsmaðurin og ein annar persónur, sum møtti á valfundinum, eru deyðir.
