- Ukraina fer at taka uppaftur álopini á russisk oljureinsiverk.

Tað sigur ukrainski forsetin, Volodymyr Zelenskyj, í samrøðu við bretsku ávísina, Financial Times.

- Steðgurin er yvirstaðin. Vit eru lidnir, sigur forsetin í samrøðuni.

Volodymyr Zelenskyj kemur við hesari útsøgn fýra dagar eftir, at amerikanski forsetin, Donald Trump, segði, at Russland og Ukraina vóru samd um ikki at leypa á orkukervið hjá londunum báðum.

- Vit steðgaðu okkara álopum í tríggjar dagar fyri at ganga ynskinum hjá Donald Trump á møti, men Russland helt fram við at leypa á, sigur ukrainski forsetin.

Í nátt eru í minsta lagi trý sivilfólk dripin og seks eru særd í russiskum loftálopum á ukrainska býin, Kropyvnytskyj.

Tað upplýsir guvernørurin í økinum sambært ukrainsku ávísini, The Kyiv Independent.

Í ukrainsku regiónini, Dnipropetrovsk, eru í minsta lagi tvey fólk dripin í rusiskum álopum í nátt, skrivar guvernørurin, Oleksandr Hanzja, á Telegram.