Stórur vatnskaði hevur rakt politistøðina í Klaksvík í sambandi við ódnarveðrið.

Nógv vatn savnaðist á torginum við læknamiðstøðina og politistøðina og rann inn í bygningarnar.

Á politistøðini hevur vatnið millum annað skatt elskáp og oljufýr. Eingin streymur er á støðini, sum tí er stongd.

Tað ber sostatt ikki til at avgreiða pass og onnur ørindi á politistøðini í Klaksvík í løtuni.

Løgreglan boðar frá, at fólk við átrokandi ørindum mugu venda sær til politistøðina í Havn.

Stolin bilur var misskiljing: Ein bilur, sum løgreglan eftirlýsti á Facebook eftir fráboðan í gjár, er komin afturíaftur. Tað vísti seg, at ein persónur, sum skuldi læna ein bil, av misgáum hevði tikið skeivan bil, tí tveir bilar vóru eins. Málið var skrásett sum brúkstjóvarí, men løgreglan ger ikki meira við tað.